صور كثيرة وازيز

صور كثيرة تتعاقب كشريط السينما المبهر
صوت ازيزكالذى يصاحب التغير بالريموت كنترول تنزل على جدار عقلي بهدوء حينا وبعنف احيانا وبخبث معظم الوقت

اتذكر عندما كنت طفل في الحداثة اننى كنت أأكل كثيرا والعب بانانية مفرطة

صور كثيرة وازيز

طفل اكبر يعجب بكل مايراه
يسمع كثيرا
كلامه يدل على بلاهة وعدم فهم للحياة وهو يعرف ذلك

صور كثيرة وازيز

بداية شباب تختزل حياتك
في دنيتك الصغيرة
تبحث عن شيء لا تعرفه وترى في نفسك اشياء لا تفهمها

صوركثيرة وازيز

تشعر انك حكيم عصرك في مرحلة المنتصف
انك فهمت الحياة
انك اجريت كل التجارب الممكنة
تتصرف بذكاء
او هكذا تعتقد

صور كثيرة وازيز

شاب جامعى محترم
ترى الناس يشبهون حيوان الكانجرو
وانك تقضي الدراسة في حديقة حيوانات
دنيا لا تفهم من اين جاءت
لم اراها هكذا في التليفزيون؟

صور كثيرة وازيز
تجد نفسك داخل هذا العالم
المطالب ان تتعامل معه كيفما يحب
لايعيرون شيئا لذاتك
لايضعوا امامك خيارات
تفعل فقط مايجبروك عليه
وبمرور الوقت
تجد نفسك حيوان ارادة
حيوان رأى
حيوان حياه
اين انا
اين انا
اين انا

ستووووووووووب
صور كثيرة وازيز

مش فاهم

ازاى تبقي في حضنى

ومش عارف اللمسك

وازاى تبقي في قلبي

ومش عارف ادرسك

وازاى تبقي نارى

وانا عايز احرسك

وازاى تبقي طيرى

وانا عايز احبسك

وازاى تيجي عليا

وانا عايز اعذرك

وازاى تبقي حكمة

وازاى تبقي كلمة

وازاى احب اعمى

ازاى ادوس في هجمة

على ارض محبتك

أخر نظرة

اخر نظرة وعنينا تتنافر

ليه نشد عنينا من بعض

ونعافر لدموعنا تقفل عنينا

وما نشوفش بعض

اخر نظرة ومتزعليش

دة حب اطهر من انه يكمل

فاكرة اول نظرة

وعنينا بتلف في المكان

ووقفت عندنا

ما بين النظرتين

هو دة ابننا

اخر نظرة و يتيتّم

إمزقيه و خلديه

خلاص هتمشي

استنى

خدى صورتك اللى في عنيا

علقيها خيط نور لدنيتك الجاية

دى صورتك اللى فيها ريحتى

و هاتى صورتى اللى جواكى

ارشقها سهم في الكيان

تنحت في كهوفى ملامحك

لو هتنسينى مش هقدر امنعك

لكن

إلا النظرة

افجر نظرة

اخر نظرة

اجيبه منين!!!!!!!!!!!!!؟

نفسي يبقي لية قلبين
قلب ناشف حجر وقلب بكلمة يلين
نفسيى يكونلى عقلين
عقل مجنون مطرقع
وعقل موزون بيسمع

نفسي اكون في الجد جد
و الهزار هزار بجد
نفسي اتمتع بالزيف واعرف الاسرار
و أبقي ملكى مش ملك حد

انا نفسي اكون اتنين
اتنين منفصلين
واحد فاتح للدنيا ايديه
و واحد بيعمل لأخرتة بقلبه وعينيه
ازاى وصعب تكون هجين؟

نفسي اكون سمكة بتطير
نفسي اكون الاولانى والأخير
امير غنى وفقير
دة انا نفسي اكون حاجات كتير
حاجات بفرح حاجات بخير

بس ازاى و حياتنا ما بتعملش كل اللى نتمنى
ولا كل الحاجات الصح اللى تربطنا و تجمعنا
حاول تفكر كدة وتسرح
هتلاقيها كلمة حلوة فاضية
من غير ولا لون ولا أى معنى

انا نفسي اكون اتنين
لو انا دة أو دة هجيب التانى منين؟

لحقت نفسي

و رجعت ما تانى جثة هامدة
شكلى اتعودت على كدة
شكل النهاية قربت
روحى في جسمى واتحررت
شايف طريق منور من الناحيتين اخرته ضلمة
وحاجات بعملها مكنتش متخيل انى اتعلمها
وافكار في عقلي اتحركت
جت في دماغى زى فلاش
وليه انطفت بسرعة


:::::::::::::::::::::::::
يا جنونى وسرحان خلى
انا شايف صورتى في ضلي
وبشوف حاجات قبل ما تحصل
ناس بتعقل وناس تتجنن
وحاجات تعكنن وحاجات تظأطط
وانا واقف على دماغى وبتنطط
انت قاعد كدة
صحى جواك الانسان الاهبل
ليه جاى دلوقتى بس وتعقل
وعيش اللحظة لتحفظها لتروح منك
وفكر فى الكون وسنينه
وازاى عايشينه
زايرين نتفرج على روحنا
وهنخرج منه زى ما جينا
وازاى حبينا
ناس كتير كتير طلعوا فاشوش
و ناس كتير ملهمش امان
الدنيا بير بس مفهوش
تشرب منه وتستكفى
وشوية وترجع عطشان

::::::::::::::::::::::::
لو مجتش الدنيا كانت هتقف عليك
الناس والدنيا هيحزنوا عشان معاليك
غلطان انت مع انك دنيتك
وشوف حقيقتها من حواليك
ايه يفيد الجثة الهامدة
غير حنية تراب
سراب مفيش سراب
بتعمل نفسك مش شايف
وحاطط مخك في جراب

:::::::::::::::::::::::::::
بص كدة وقولي نور الحياة في عنيه
ايه سكت ليه مش وقت طيبة وحنية
فين حكمتك بلا خيبة شكلك هتروح وتطول الغيبة
رد وقالى قلبك بيدق ونور الحياه انطفي
ينطفي ولا مينطفيش ايه ذنبى انى اعيش
حياه من غير حياه
معملتش فيها غير شر
هدفنها و ابدا حياه
طول عمرى بدور على سر
جة الوقت اللى فى ايدى القاه

::::::::::::::::::::::::::::
يمكن الحق منها لحظة طاهرة من وقتها
واقول بقلب جامد انا فعلا عيشتها
والحق نفسي قبل ما ابقى حقيقي جثة هامدة غبية
كانى في حلم او كنت نايم او لحظة منسية
اكيد عملت ولو حاجة خير
وادخلت بحكمة
الحكمة الالهية

بعنيك يا صغير

في عنيك يا صغيّر

بحور بتنور
وجروحى تتطهر
بعنيك يا صغيّر

في عنيك يا صغّير نفسي بتزهّر
ليه عايز تكبر

خليك يا صغيّر

هتختار سكتك وهتختار دنيتك

خد بالك يا صغير مش دايما تتخيّر

انا نفسي اطيّر


روحى في روحك واعرف ديتها

وادخل دنيتها يا روحى يا صغير

حياتك مرسومة في عيونك بحنية رموشك

قولى منين تنزل دموعك

متقولش يا صغيّر

اوعى تسيبنى اوعى تنسانى هفضل احكيلك هفضل اشكيلك
آآآآآآآآآآآآآه يا صغيّر

اوعى تكبر وتستكبر و عليا تعلى و تتغيّر
بعينك يا صغيّر

يا نسايمك

يا عبيرك

دة مراية الدنيا

في عنيك بتحيّر


كتر خيرك يا صغير
غيرت حياتى كلها

بعنيك يا صغيّر

ازاى هعرف اشكر

وازاى راح اعبر

لقلبك يا صغيّر

كلمة واحد بمعانيها

يا عنيك يا صغيّر

يمكن

بتعلم يمكن اكمل اللى معملتوش

بتشجع يمكن اجمع عمرى اللى معشتوش

بدور يمكن اغير انا

نفسي من جواها

واعافر وابقي كافر بكل اللى ربي -جل وعلى- منزلوش

بفكر يمكن اقدر اغير في و لو حاجة فى شكل الكون

برسم يمكن اقسم جرحى اللى جوايا لرسمتين

نفس الالم واللون

بدون يمكن الون حياتى

في الورق بس

يمكن احس

وتلمس حاجة قلبي

واتغير في نفس اليوم

يا حبيبتي يا مصر

ليكى لوحدك و بيكى
الم على خدك يبكيكى

فين كرامتى و قيمتى
فين كيانى وهيبتى

جيتى عليا و اتجنيتى
فين حقى عليكى ولا اتجنيتى

لو على ترابك ترابك مش بفلوس
لو على ارضك بصي يا مصر عليها بدوس
لو على سماكى العمر واحد و الرب واحد

هو الوطن تراب و سما وارض
هتجنينى و تضحكى هو انا كان بايدى و اخترت

صدقينى يا مصرفي يوم
مش هفضل راضي بيكى وساكت
وهضرب فيكى ونضرب بعض
طب عملتى زى كل الاوطان
ولا تعملى مهما تعملى وحبك امر و فرض


بلدى ومش بلدى
خيرك كتير وليه مش عندى
قوليلي غلطى قوليلى ذنبى
حرام عيكى يا كاسرة عينى
قطعتى قلبي
جعان تديله وردة
ايه هياكل ورد؟

عمرى ما اصالحك اتقطعت احبال الود
و نفسي منك لا هتصفي و لا تبيض

المطلوب منى احبك
واغنيلك واحميكى

ازاى احيي علمك
وانا عينى فى ارض
وشايل ليكى

الم واحد بس

قادر يبكيكى

رضا

حسيت في يوم انك راضي عن نفسك
ونفسك عليك راضية

راضي عن نفسك بقلبك وعقلك
وراحة جميلة ونفس هادية

وابتسامة رضا بثقة لنفسك وراضي برزقك
ولحن روحك بيشكرك بانشودة شادية

عملت اللى عليك بجد مش كدب
بكرامة وعزةومنتهى الذكاء والحب

كل اللى احتجتهم وقفوا جنبك يردوا الجميل او محبة
راضي عن نفسك بجد ولا بتكدب عليك وتصدق اكيد الكدبة

فكرت وعملت وسبت الباقى على الله
سهل انك ترضي غيرك وانك ترضي نفسك اكيد مش سهلة


عارف ان عملك باخلاص مش هيضيع في الارض
العدل هو الله فرجة قريب اعمل قدر ما استطعت
كريم امن بعدله
لا اله الا هو
واجرك فى حما جلاله
وان اختلفت بحكمته اشكال الرد

رضا الله اسمى معانى الرضا
هترضيه هترضى
الرضا نعمة الرضا حكمة الرضا هبة

فهمته

سامع حديتك اللى من غير صوت

سامع دبيبك اللى من غير صوت

سامع مكرك اللى من غير صوت


عرفت انى سمكة صغيرة
في بحر
انت فيه حوت

شايف عينيك اللى من غير لون

شايف تمثيلك اللى من غير لون

شايف قلبك اللى من غير لون



عرفت ان حبك ليه
مجرد بالون

اعملها

لما الكلام بيغنى من غير موسيقي
لما تدور بحروفك على اصل الحكاية والحقيقة
لما تلملم الكلمات باحساسك جنب بعضها
وانت لا بتصطنع ولا انت اخترعتها
لما بكلامك تريح قلبك من جواك
وتنسي في دقايق كل الحواليك
لما تبقي نقط حروفك دموعك اللى مش من عنيك
لما تريح نفسك بحروف وكلام لا اتكتب قبلك ولا بعديك
ولما تفرح يخرج الكلام بيرقص
ونقط الحروف قبلات
بكلامك تقدر تزود تقدر تنقص
تقدر تطير وتفرد الجناحات

نهاية

بهتت الالوان في عنيه والاصوات بتختفي
نزلت ايديا جنبي والنور بينطفي
يا جفونى تقلك تقل جبل
جسمى ايه في ايه ليه بتعصانى وايه العمل
الدنيا بتبعد عنى
حاسس ان نفسي بيتسحب منى
وبحق وحقيق
لقيتى ثابت عاجز
راضي بالنهاية وساكت
حياتى شريط بيمر عليا
قد ايه كانت صغيرة وقصيرة
ليه يا عقارب بتجرى و بحاسب نفسي
في ساعة متاخرة

عالاصل دور

بدور على المغشوش من الاصيل
بدور على الحقايق والتفاصيل
طب انا مغشوش ولا اصيل
كله تحصيل حاصل
دة الفرق بينهم مجرد فاصل
انت حقيقي ولا تمثيل

انا سيجاره

وعرفت حل اللعبة
انا سجارة في سجاير علبة
انا سجارة مدكوكة ومكتومة
في سجاير منفثة مخرومة
طويلة العمر ومعدومة
انا سجارة تشربنى في ساعة
زميلي الصدر الواسع
وحبييتى شقيقتى الولاعة
وبشطارة حليت اللغز
وهاخد ايه لما اتشطر
انا سجارة حسيت بالعجز
انا سجارة منزوعة الفلتر
مكروهه و ازاى تتطلب
مكسورة وازاى تتشرب
انا سجارة بامارة انى محروق

قلم

ضحك القلم لما زغزغته بضفرى
ليه كل ما اكلمه بيحلى ويطول عمرى
سالته ليه يا قلم حياتى معاك مقلوبة
ضحك وقال مش فارقة انا عمرى من عمر الانبوبة
قولتلة صحيح عمرى اطول من عمرك دى حقيقة
بختك يا سيدى
وادى بوسة في ضهر الاستيكة

بوسة القلم للورق بنقطة تتخطف في اخر سطر
باخر دمعة تتكتب بلون الحبر
كان نفسة تطول على خد الورق
وفلتت دمعته باخر قطرة صبر

وقلم رصاص مكسور السن
خلاص لوحدة عمال بيئن
بيحن لايام سعادته وجريه وسعادته في سنه وبريه
ويجن لما بحس انه ماصوف دة لوحدة هيموت مالخوف
نفسه يغمض عينيه و يفرد ايديه و يفن ويرجع ما تانى يشوف


وقلم سنون من غير سنون بدوشة وزحمه بصوت السكون
صوت اخرص
ليه غالى وهوا برده الارخص
وحبه انه يكون اجن عاقل واعقل مجنون
عينى عليك
قلم
دة بكى القلم على خد الورق حبر
عينى سن القلم وقلبي كان السطر
يفيد يايه الندم خلاص الورق اتحرق
وليه انكسر القلم لما عرف بالسر

قلبها شفاف

عارفها ومش عارفها
كل ما اقول وصلت لتعريفها
بتيجى حاجة تخلينى اخاف
طب انى شايفها مش شايفها
انا اللى عميت ولا محتاج كشاف
وانى لامسها ومش لامسها
حاسسها ومش حاسسها
العيب منى ولا قلبها شفاف
انا في بيتها ومش في بيتها
مش فارقة انا شوفت حقيقتها
انا اول ولا اخر واحد شاف
انا منها ومش منها
هعلم في اركانها في اماكنها
ولا هتمحى اسمى بالألم الجاف

انا

انا مش حوارتى وبلون انا بشوف اللى في دماغى وبدون